ESCALA DE BRADEN-BERGSTROM PARA A PREDICIÓN DO RISCO DE ÚLCERAS POR PRESIÓN Escala para adultos publicada en 1987 por Braden e Bergstom. É a escala que conta con máis estudos de validación un total de 37 e en diferentes niveis asistenciais. 

Segundo estes traballos, a sensibilidade media sitúase no 74 %, a especificidade no 69 %, o valor preditivo positivo no 43 % e o negativo no 90 %. É fácil de usar e presenta conceptos claros e definidos. O esquema conceptual inclúe os principais factores que interveñen no desenvolvemento dunha UPP. Os tres primeiros factores relaciónanse con aspectos de intensidade e duración da presión: mobilidade, actividade, percepción sensorial; mentres que os outros están relacionados coa tolerancia dos tecidos, describindo factores extrínsecos (humidade, fricción e cizalla) e factores intrínsecos (nutrición, idade, baixa presión arteriolar, baixa presión de osíxeno). 

A partir deste esquema, as autoras da escala describen seis ítems: percepción sensorial, exposición á humidade, actividade física, mobilidade, nutrición, rozamento e perigo de lesións cutáneas; cunha definición clara do que se debe interpretar en cada un deles.

 Rango de puntuación entre 6 e 23.