1. Como diferenciar a presenza de esfacelos e biofilm?
A diferenza de esfacelo e biofilm é fundamentalmente en 3 aspectos: consistencia, aspecto e resposta ao antimicrobiano.
O esfacelo pódese describir como unha capa viscosa, amarela e relativamente opaca no leito da ferida. Mentres que o biofilm ou a biopelícula en feridas pode ter aparencia similar a un xel brillante. Con todo, pode haber un vínculo entre o biofilm e o esfacelo. As biopelículas estimulan a inflamación. Isto á súa vez aumenta a permeabilidade vascular, a produción de exsudado e a acumulación de fibrina. Por tanto, o esfacelo pode indicar a presenza de biopelícula nunha ferida. Actualmente, o método máis confiable para confirmar a presenza de biopelícula é a microscopía especializada. O esfacelo non vai ter resposta ante o antimicrobiano.
2- Cal tratar primeiro? Ou se poden tratar ao mesmo tempo?
Hai que tratar ao mesmo tempo, é dicir, hai que preparar o leito da ferida. Segundo acrónimo TIME, o tecido desvitalizado debe ser retirado con procedementos de desbridamientos. Déixoche ligazón para que consultes :
3. Pódese usar colagenasa (iruxolR) en esfacelos aínda cando tamén hai presenza de biofilm? E durante canto tempo? Primeiro a prata ou primeiro o colagenasa (se que son incompatibles ao mesmo tempo).
Esta pregunta entendo que é pensando en que abordar primeiro. Sempre habemos de dirixir a nosa destreza para tratar o biofilm ( desbridamiento+ antimicrobiano) xa que é o que impide a progresión da ferida á cicatrización, debemos de sacalas da fase inflamatoria que presenta coa estratexia que mencionamos na presentación. O esfacelo é un efecto colateral da presenza de biofilm e a fase inflamatoria, por tanto, non recomendo colagenasa que como ben dis, prata + colagenasa se inactivan.
4. O cambio de apósito secundario por exceso de exsudado sen retirar a prata antes do tempo correspondente é unha boa opción?
Persoalmente, non me gusta esa opción para dar esa recomendación como adecuada. Eu recomendo o cambio de todos os apósitos ( dentro das súas indicacións e recomendacións do fabricante) que ademais vai servir a reevaluar a ferida do paciente, pel perilesional, e leito.
5. Fai falta anestesia para desbridamiento cortante? E con canta frecuencia debe facerse?
Si. Podemos realizar un fomento de anestésico sobre o leito e posteriormente informar ao paciente. Desbridar segundo tolerancia da dor e programar desbridamientos pautados en seguintes revisións sería o correcto. Ata cando? Reevaluando a ferida para identificar signos de presenza de biofilm. Pero lembra, que se comeza a evolucionar...é que estamos a facer as cousas ben. Ese sería o indicador.
6. Que facer coa pel perilesional macerada? Protéxoa con oxido de zinc por exemplo? E así evito que a maceración progrese? Por suposto, sempre vixiando o estado da perilesión para evitar aumentar perímetro da ferida ou aparición de novas lesións adxacentes. Crema barreira ou spray barreira que é o que temos no noso catálogo, protexe a lesión do exsudado.
7. Na presentación da webinar no tratamento tópico do biofilm con pomadas antimicrobianas non consigo ler unha delas, só vexo silvedermaR e mupirocinaR
O tto tópico antimicrobiano que comentamos na presentación é o ácido fusídico ( fucidineR ). Déixoche un documento de posicionamento con evidencia para que consultes.