2 comentarios comentarios

Colección de guías prácticas de feridas do Servizo Galego de Saúde

Neste espazo poderánse consultar as Guías prácticas de feridas publicadas polo Servizo Galego de Saúde 

​Por todos é coñecido que a abordaxe das úlceras e feridas leva implícito un problema de saúde de gran magnitude pola perda da calidade de vida nos pacientes, pola repercusión que ten nas súas familias e coidadores e tamén pola carga de traballo que supoñen os seus coidados aos profesionais sanitarios. A isto hai que engadir o sobrecusto económico que supón para a sustentabilidade do sistema sanitario.

Desde o Servizo Galego de Saúde (Sergas) ése consciente da importancia e  impacto asistencial dunha adecuada xestión  da prevención e tratamento deste tipo de lesións; polo que desde hai anos e de forma mais intensiva desde a Subdirección Xeral de Ordenación Asistencial e Innovación Organizativa a través do Servizo de Integración Asistencial, está a traballarse por mellorar a estrutura, recursos e condicións necesarias para tratar de normalizar e sistematizar a actividade asistencial derivada do devandito proceso de coidados.

 

O Programa Úlceras Fóra constitúese no marco de referencia para desenvolver e establecer as liñas estratéxicas na abordaxe de todo o relacionado coas úlceras e as feridas, e inclúe como un dos seus obxectivos esenciais establecer criterios asistenciais comúns (para a identificación do risco, a valoración de lesións, establecemento de medidas preventivas, de terapias, utilización de produtos, seguimento, rexistro, etc.) que posibilitase avanzar cara á unificación de criterios e a correspondente redución da variabilidade clínica para este tipo de lesións.
 

 

É por iso que a presente Colección de guías prácticas de feridas do Servizo Galego de Saúde describe o esforzo e o entusiasmo de moitos profesionais (enfermeiros e médicos) por mellorar a súa práctica clínica no coidado e abordaxe integral dos pacientes afectados por úlceras e feridas, ou con risco de padecelas, co fin de incorporar a mellor evidencia dispoñible do momento cara á consecución dunha mellora da calidade asistencial e seguridade do paciente.

 

 
Jorge Aboal Viñas
Director xeral de Asistencia Sanitaria

    Servizo Galego de Saúde

 

Comentarios:
  • avatar Ana Gomez dixo:
    xoves, 13 de decembro 2018 ás 23:03
    Muy buena información muchas gracias...
  • avatar Juan Felipe Mora barrios dixo:
    xoves, 26 de outubro 2017 ás 07:13
    El sistema SVED y el xeroform actualmente se están utilizando en México con buenos resultados.
Publica o teu comentario
  •  
  •  
  •  
Xunta de Galicia © Xunta de Galicia. Información mantida e publicada en internet pola Consellería de Sanidade - Servizo Galego de Saúde
Galicia o bo cambio